བོད་ལྗོངས་ཞོལ་འདོད་དཔལ་སྲོལ་རྒྱུན་བཟོ་རིག་སློབ་གྲྭ།

བོད་ལྗོངས་ཞོལ་འདོད་དཔལ་སྲོལ་རྒྱུན་བཟོ་ རིག་སློབ་གྲྭའི་ངོ་སྤྲོད་དང་སློབ་མ་བསྡུ་བའི་འཆར་གཞི། དང་པོ། ཞོལ་འདོད་དཔལ་གྱི་ལོ་རྒྱུས་མདོར་བསྡུས། ཞོལ་འདོད་དཔལ་ནི་ཕོ་བྲང་པོ་ཏ་ལའི་འདབས་ཀྱི་ཞོལ་གྲོང་ཁུལ་རྙིང་པའི་ནུབ་སྒོའི་ལྕགས་རིའི་ཕྱི་ལོགས་སུ་གནས་ཡོད། དུས་རབས་བཅུ་བདུན་པའི་ནང་༧རྒྱལ་དབང་ལྔ་པ་ཆེན་པོས་ཕོ་བྲང་པོ་ཏ་ལ་འཛུགས་སྐྲུན་དང་སྐུ་གསུང་ཐུགས་རྟེན་གང་མང་གསར་བཞེངས་གནང་དགོས་ལ་བརྟེན། ལུག་རིན་པོ་ཆེ། ལུག་ཚང་དཔལ་ཡོན་གྱི་ཚོགས་གཙོ་ཡེ་ཤེས་བསྟན་འཛིན་ཡིན་ནམ་དྲ་ཐོག་ཏུ་ལུག་རིན་པོ་ཆེ་འབོད་པའི་མི་འདི་ཡིན།

ཤེས་བྱ་ཀུན་བཏུས་དྲ་ཚིགས་སུ་ཚིག་ཚན་གསར་བཟོ་བྱེད་ཐབས།

ཤེས་བྱ་ཀུན་བཏུས་དྲ་ཚིགས་ཤར་གཏོང་བྱས་ཟིན། འདི་ནི་བོད་ཡིག་དང་བོད་ཀྱི་རིག་གནས་སྤྱི་ལ་ཕན་པའི་དྲ་ཚིགས་ཆེན་པོ་ཞིག་རེད།  མིག་སྔར་ཐོ་འགོད་པའི་ནུས་པ་བཀག་ནས་ཡོད། དེ་ཡང་དྲ་ཚིགས་འདི་སྤུས་དག་དང་བདེ་འཇགས་ཞིག་ཡོང་ཆེད་གུས་པ་རང་ཉིད་ཀྱིས་དང་བླངས་པ་དག་ལ་ཐོ་འགོད་པ་དང་དོ་དམ་བྱེད་ཀྱི་ཡོད། གལ་ཏེ་ཁྱེད་ཉིད་ཀྱིས་གཤམ་གྱི་སློབ་ཚན་འདི་ལྟས་ནས། རང་ཉིད་ཀྱིས་འཇོན་ཐུབ་པ་བསམ་ན་གུས་པར་ཐད་ཀར་འབྲེལ་བ་གནང་རོགས། གསལ་བཤད། ཤེས་བྱ་ཀུན་བཏུས་དྲ་ཚིགས་ནང་ཚིག་ཚན་གསར་བཟོ་བྱེད་སྐབས། ཚིག་ཚན་གང་རུང་ཞིག་ཡིན་ཀྱང་། མཐའ་མར་ཚེག་ཡིན་དགོས་པ་ལས། ཤད་རྩ་བ་ནས་བརྒྱབ་མི་ཆོག ༼ འདི་ནི་ཤེས་བྱ་ཀུན་བཏུས་དྲ་ཚིགས་ནང་ཚིག་ཚན་བཟོ་བའི་སྒྲིག་སྲོལ་གཙོ་ཆེ་ཤོས་རེད། ༽ དཔེར་ན། […]

བདག་གིས་བཏུངས་ཟིན་པའི་ཆང་།

བདག་གིས་བཏུངས་ཟིན་པའི་ཆང་།  སྒ་རྒན་ཀུན་བཟང་རིག་འཛིན། རྟེན་འབྲེལ་སྣ་ཚོགས་ཀྱིས་མཐུན་རྐྱེན་བསྐྲུན་ཅིང་། གྲོགས་པོ་གསར་རྙིང་གིས་སྙིང་གཏམ་གླེང་ཞོར། གླུ་སྐད་དང་འགྲོག་པའི་མཚན་མོ་འདི་དག་ལ། གང་བྱུང་དུ་ཤོར་བའི་གསང་གཏམ་འདི་དག་ནི། བདག་གིས་བཏུངས་ཟིན་པའི་ཆང་ཡིན།   ཆང་ཕོར་ཆེ་ཆུང་གི་འགྲན་རྩོད་བྱེད་ཞོར། གསུམ་སྒྲོན་མཉེས་དག་གིས་ཁོག་སྒྲོམ་ཁེངས་ཏེ། ཆང་དྲི་དང་འདྲེས་པའི་མཚན་མོ་འདི་དག་ལ། དྲན་མེད་དུ་ཤོར་བའི་དོར་གཅིན་འདི་དག་ནི། བདག་གིས་བཏུངས་ཟིན་པའི་ཆང་ཡིན།   དཀར་དམར་གློག་འོད་ཀྱིས་ཀླད་མགོ་འཁྲུག་ཅིང་། […]

༧ཧའོ་རིན་པོ་ཆེ་མཆོག་གིས་ཁ་སྔོན་ཚེས་བཅུ་གཅིག་ཉིན་མཎྜལ་འབུལ་སྟངས་སྐོར་ལ་བསྩལ་བའི་བཀའ་སློབ་ཡིག་ཕབ་མ།

༧ཧའོ་རིན་པོ་ཆེ་མཆོག་གིས་ཁ་སྔོན་ཚེས་བཅུ་གཅིག་ཉིན་མཎྜལ་འབུལ་སྟངས་སྐོར་ལ་བསྩལ་བའི་བཀའ་སློབ་ཡིག་ཕབ་མ། ཡིག་ཕབ་པ།   མཚོ་སྨད་གཅེར། ད་ཁ་རོགས་ཞུགས་རོགས་གནང་། ད་དེ་རིང་འདི་རུ་སྔོན་ལ་ཚེ་དབང་གི་མཎྜལ་གསལ་བཤད་མདོར་བསྡུས་ཤིག་བྱེད་དགོས་ཀྱིན་འདུག དེ་དང་ཆབས་ཅིག་ད་འདི་ན་ཟུར་མེས་དབོན་རྣམ་གསུམ་གདན་སའི་སྔགས་པ་ཚོགས་པ་ཁག་གཅིག་དང་། གཞན་ཡང་བཙུན་མ་ཁག་མང་པོ་ཞིག དེ་བཞིན་དུ་གཞན་ཡང་ཁང་དམར་ནས་ཡིན་པའི་མི་སེར་མང་པོ་ཞིག་གིས་ད་ལོའི་ཆ་ལ་མཎྜལ་ཞིག་བསག་གིན་ཡིན་ན། མཎྜལ་གྱི་བཀའ་འཁྲིད་འཁྱུག་ཙམ་ཞིག་གནང་རོགས་གྱིས་ཞེས། རེ་བ་གནང་མཁན་མང་པོ་ཞིག་ཡོད་པ་ཡིན་དུས་ཙ་ནས། ད་དེ་དག་རྣམས་ལ་མཎྡལ་འབུམ་ཚོ་བསགས་སྟངས་ཀྱི་འཁྲིད་མདོར་བསྡུས་ཙམ་ཞིག་མར་ཞུ་དགོས་བསམས་སོང་། ད་དེ་ཡིན་དུས་ཙ་ནས་མཎྜལ་གྱི་འཁྲིད་བྱེད་པ་ལ་དོན་དག་རྣམ་པ་གསུམ་གྱི་སྒོ་ནས་མཎྜལ་དེ་ཤེས་དགོས་ཀྱིན་ཡོད་པ་རེད། དོན་གསུམ་ནི་དང་པོ་ཚོགས་ཞིང་ངམ། མཎྜལ་ལྷ་ཚོགས་སྒོམ་པ། […]

ཅཱ་ཀྲའུ་ཚགས་ཤའི་རྒྱ་ཐུག་ཟ་ཁང་གི་མཐོང་ཐོས་ལས་འཕྲོས་པའི་གཏམ།

ཅཱ་ཀྲའུ་ཚགས་ཤའི་རྒྱ་ཐུག་ཟ་ཁང་གི་མཐོང་ཐོས་ལས་འཕྲོས་པའི་གཏམ། སྒྲོལ་མས། དེ་རིང་ཕྱི་དྲོའི་སློབ་ཚན་གསུམ་པ་གྲོལ་རྗེས་བུ་མོའི་རེ་བ་ལྟར་ཅཱ་ཀྲའུ་ཚགས་ཤའི་རྒྱ་ཐུག་ཟ་ཁང་དུ་ཐུག་པ་འཐུང་བར་བསྐྱོད།    ང་དང་བུ་མོས་སྡོད་གནས་ཤིག་བཙལ་བ་དང་དེ་རྗེས་ཞབས་ཞུ་མས་བཀྱགས་པའི་ཆུ་འཁོལ་འཐུང་གིན་རང་ཉིད་དགའ་བའི་ཐུག་པ་མངགས།  ཁ་སྤྲོད་དུ་སློབ་གོས་གྱོན་པའི་སློབ་མ་ཞིག་དང་དེའི་ཁྱིམ་བདག་བཞུགས་འདུག་པས་ངས་དབང་མེད་དུ་ཁོ་གཉིས་ལ་འཛུམ་ཞིག་སྟོན་པར་ཐལ།   རང་ཉིད་ནི་སློབ་ཆུང་གི་དགེ་རྒན་ཡིན་པས་ལས་གནས་ཀྱི་ངོ་བོས་ཐག་བཅད་པ་ཞིག་ཡིན་ནམ་ཡང་ན་ཕྲུ་གུའི་ཨ་མ་ཞིག་ཡིན་པས་ལན་ནམ་ཅི།  གང་ལྟར་ཉེ་འཁོར་དུ་ན་ཆུང་བྱིས་པ་ཡོད་ཚེ་ངའི་ཡིད་དབང་ཡོངས་སུ་འགུག་པར་བྱེད།  ངའི་བུ་མོ་ནི་སློབ་ཕྱིའི་དཔེ་དེབ་ལྟ་ཀློག་ལ་སྤྲོ་བས་ལམ་སེང་ཁོམ་པ་བཙལ་ཏེ་རང་ཉིད་དགའ་བའི་དཔེ་དེབ《སློབ་ཕྲུག་ཡོན་ཏན་དང་ཁྱིམ་བདག་དོན་གྲུབ》ཅེས་པ་ལྟ་འགོ་ཚུགས་སོང་།   ང་རང་ནི་མུ་མཐུད་ཆུ་འཁོལ་འཐུང་གིན་ཕྱོགས་བཞིར་མིག་མྱུལ་བྱས་ཏེ་བསྡད།  ད་གིན་སློབ་གོས་གྱོན་པའི་སློབ་མ་དེ་དང་ཁྱིམ་བདག་དེ་ནི་ངའི་ལྟ་བྱ་གཙོ་བོར་གྱུར།  སློབ་མ་དེ་སྦྱང་གཞི་འབྲི་བཞིན་འདུག   […]

བུ་སྐྱོང་ལ་མཁོ་བའི་གཏམ།

བུ་སྐྱོང་ལ་མཁོ་བའི་གཏམ། སྒྲོལ་མས། བཅོས་མིན་གྱི་འཛུམ་མདངས་ལས་མཐོང་ཐུབ་པར་དེ་རིང་གི་ཁོ་ཚོ་ནི་ཆེས་བདེ་སྐྱིད་ལྡན་པ་ཞིག རྒྱུ་མཚན་ནི་ད་ཐེངས་ཁོ་ཚོར་རང་གིས་དགའ་བའི་ལས་བསྒྲུབ་རྒྱུ་བྱུང་ཞིང་བསྒྲུབ་པའི་བརྒྱུད་རིམ་ནང་གེགས་བར་ཅི་ཡང་འཕྲད་མེད་པས་རེད། པར་རིས་འདི་ནི་ངེད་འཛིན་གྲྭའི་རྐང་རྩེད་སྤོ་ལོར་དགའ་བའི་སློབ་མའི་ཚོགས་རེད་ལ། ད་ཐེངས་ཁོ་ཚོས་དུས་རྒྱུན་དུ་དགའ་གུས་ཡི་རང་བྱེད་པའི་རྐང་རྩེད་སྤོ་ལོ་མཁས་ཅན་པཱ་ཤི་ཡི་པཱས་ལི་དང་། ཨ་ཀན་ཐིང་གི་མ་ལ་ཏོ་ན། ཕུའུ་ཐའོ་ཡ་ཡི་སིའི་ལོ་སོགས་སྤོ་ལོའི་སྐར་ཆེན་རྣམས་ཀྱི་སྤོ་ལོ་རྒྱག་པའི་ཉམས་འགྱུར་ལ་དངོས་སུ་མྱོང་བ་དང་ལད་མོ་བྱ་ཆོག་པས་ཅི་འདྲའི་སྤྲོ་སྣང་ལྡན་ཞིང་དོན་སྙིང་གིས་ཕྱུག་པ་ཞིག་རེད་ཨང་། ཐེངས་འདིའི་གྲོང་ཁྱེར་སློབ་ཆུང་སློབ་མའི་རྐང་རྩེད་སྤོ་ལོའི་འགྲན་སྡུར་ནང་ཞུགས་པའི་གོ་སྐལ་བཟང་པོ་ཐོབ་སྐབས་ཁོ་ཚོ་དགའ་བ་འབུམ་གྱིས་མྱོས་པའི་རྣམ་པ་ཡིག་ཐོག་ནས་མཚོན་ག་ལ་ནུས། སློབ་ཕྲུག་ཚོའི་དགའ་ཕྱོགས་དང་ནུས་པར་སློབ་གྲྭའི་ཁས་ལེན་ཐོབ་པ་དང་། ཁྱིམ་བདག་གི་རྒྱབ་སྐྱོར་ཐོབ་པ། སློབ་ཁྲིད་དགེ་རྒན་གྱི་རམ་འདེགས་ཐོབ་པ་ནི་རྣམ་དཔྱོད་ལྡན་པའི་ལས་འགུལ་ཞིག་ཅི་ལ་མིན། གང་ཡིན་ཟེར་ན། མིག་སྔར་སློབ་ཐོན་སློབ་མར་ཡིག་རྒྱུགས་སྐར་གྲངས་ཁོ་ན་གཙིགས་སུ་འཛིན་པའི་སློབ་གསོའི་གཉེར་ཕྱོགས་ནོར་འཁྲུལ་ཅན་དེ་ནད་ཡམས་བཞིན་སློབ་གསོའི་ར་བར་མཆེད་ཅིང་། ནོར་འཁྲུལ་ཅན་གྱི་ཐབས་ཤེས་དེས་དད་མོས་མང་བའི་བྱིས་པ་ཚོའི་ལྷན་སྐྱེས་ཀྱི་ཁྱད་ནུས་མང་པོ་མང་པོ་ཞིག་རྩ་གཏོར་བཏང་དང་གཏོང་བཞིན་ཡོད་དེ། […]

ཨ་ཁ་ཁ། བྱིས་པའི་ལྷན་སྐྱེས་ཤེས་རབ་ལ་རྡོག་བརྫིས་བཏང་སོང་།

ཨ་ཁ་ཁ།  བྱིས་པའི་ལྷན་སྐྱེས་ཤེས་རབ་ལ་རྡོག་བརྫིས་བཏང་སོང་། སྒྲོལ་མ། བཀྲ་ཤིས་དང་དོན་གྲུབ་ནི་ན་ཟླ་མཉམ་ཞིང་བློ་མཐུན་གྱི་གྲོགས་པོ་ཡང་ཡིན།   དུས་རྒྱུན་མཉམ་དུ་སློབ་གྲྭར་འགྲོ་བ་དང་།  མཉམ་དུ་སྦྱོང་གཞི་འབྲི་བ།  མཉམ་དུ་སྤོ་ལོ་རྒྱག་པ་སོགས་མདོར་ན་སྐྱིད་ན་མཉམ་སྐྱིད་དང་།  སྡུག་ན་མཉམ་སྡུག་གི་གྲོགས་པོ་ཡག་པོ་ཞིག་རེད།   སྟབས་འཁེལ་བ་ཞིག་ལ་ད་ལོ་བཀྲ་ཤིས་ཀྱི་ཕ་མས་ཉོས་པའི་ཁང་པ་དེ་ཏག་ཏག་དོན་གྲུབ་ཁྱིམ་གྱི་སྡེ་ཁུལ་དུ་ཡིན་པས་ཁོ་གཉིས་བསམ་ཐོག་ལ་རྟ་རྒྱུགས་པ་བཞིན་བྱུང་། ཁོ་གཉིས་སློབ་ཆུང་གཅིག་པར་བསྐྱོད་ཅིང་སྡེ་ཁུལ་ཡང་གཅིག་ཏུ་ཡིན་པའི་སྟབས་ཀྱིས་མཉམ་གཤིབ་ཀྱི་གོ་སྐབས་དེ་བས་མང་དུ་ཕྱིན།  མཉམ་གཤིབ་དྲགས་པའི་རྐྱེན་གྱིས་ཁོང་གཉིས་ལ་ཐུན་མོང་གི་དགའ་ཕྱོགས་ཀྱང་མང་པོ་བྱུང་དང་འབྱུང་བཞིན་ཡོད་དེ།  གཉིས་ཀ་རྐང་རྩེད་སྤོ་ལོ་རྒྱག་པར་དད་ཅིང་།  རྒྱང་རྒྱུགས་ལ་སྤྲོ་བ། […]

ཨ་མ་ལགས་ཀྱི་ཟུར་བསལ་སྙིང་སྡུག

ཨ་མ་ལགས་ཀྱི་ཟུར་བསལ་སྙིང་སྡུག སྒྲོལ་མ། ཚན་རིག་ལག་རྩལ་རྩེར་སོན་གྱི་ཕྱོགས་སུ་བསྐྱོད་ཅིང་།  འཛམ་གླིང་གོ་ལ་ཧྲིལ་པོ་དྲ་རྒྱའི་མྱུར་ལམ་ཐོག་ཞུགས་པར་བྲེལ་བའི་དུས་རབས་ཉེར་གཅིག་འདིར་ངའི་སྙིང་ནས་བརྩེ་བའི་ཕ་མ་གཉིས་ཀྱིས་སོ་སོའི་དགའ་ཕྱོགས་དང་གནས་བབས།  མོས་པར་བསྟུན་ཏེ་དུས་རབས་ཀྱི་འགྲོས་དང་འཚམ་པའི་ཟུར་བསལ་སྙིང་སྡུག་རེ་བཙལ་བར་ཡ་མཚན་རྒྱུ་ཞིག་ཅི་ལ་ཡོད།  ཨ་མ་ལགས་ཀྱི་སྙིང་སྡུག་དེར“ཀུ་ཤུ”ཞེས་འབོད་ཅིང་།   པཱ་ལགས་ཀྱི་སྙིང་སྡུག་དེར“སན་ཤིན”ཞེས་འབོད་ཀྱི་ཡོད། ངའི་པཱ་ལགས་ནི་གྲོང་ཁྱེར་དང་རྒྱང་གིས་ཆོད་པའི་རྫོང་ཞིག་ཏུ་ཕྱག་ལས་གནང་གི་ཡོད་ཅིང་།   ཨ་མ་ལགས་ཀྱིས་ང་རང་ལ་སྤུས་ཚད་ལེགས་པའི་སློབ་གཉེར་གྱི་གོ་སྐབས་བཟང་པོ་ཞིག་བསྐྲུན་ཕྱིར་ང་དང་མཉམ་དུ་གྲོང་ཁྱེར་ན་འདུག་གི་ཡོད་པས། ས་གནས་མི་གཅིག་པར་བྱ་བ་བསྒྲུབ་མཁན་གྱི་བཟའ་མི་གཉིས་ལ་ཕན་ཚུན་གྱི་སྙིང་གཏམ་གླེང་བར་ཟུར་བསལ་སྙིང་སྡུག་འདི་མེད་ན་མི་འགྲིག་པ་ངས་ཤེས་ཀྱིན་ཡོད་ལ།  ཨ་མ་ལགས་ཀྱི་ཟུར་བསལ་སྙིང་སྡུག་དེར་ང་རང་ཡང་ཧ་ཅང་དགའ་པོ་དང་གཅེས་པོ་ཡོད།  གང་ཡིན་ཟེར་ན།  ཟུར་བསལ་སྙིང་སྡུག་འདི་ཡོད་པ་ལ་བརྟེན་ནས་ཨ་མ་ལགས་ཀྱིས་ཐག་རིང་གི་པཱ་ལགས་དང་སེམས་གཏམ་གླེང་ཆོག་ལ་ཚོན་མདངས་རྣམ་པར་བཀྲ་བའི་འཛམ་གླིང་ལ་རྒྱུས་མངའ་ཡང་ལོན་ཆོག   ཟུར་བསལ་སྙིང་སྡུག་འདི་ཡོད་པ་ལ་བརྟེན་ནས་ཕ་ཡུལ་གྱི་རྒན་རྒོན་རྣམ་གཉིས་ལ་ཁམས་བདེའི་འཚམས་འདྲི་ཞུ་ཆོག་ལ་རྒྱང་རིང་གཉེན་ཉེ་དང་ངོ་འཕྲད་བགྲོ་གླེང་ཡང་གནང་ཆོག  ཟུར་བསལ་སྙིང་སྡུག་འདི་ཡོད་པ་ལ་བརྟེན་ནས་ཀ་ཁའི་མི་རིགས་རིག་གནས་ལ་སྦྱངས་པ་བྱས་ཆོག་ལ་མི་རིགས་སྲོལ་རྒྱུན་གོམས་སྲོལ་ལ་རྒྱུས་མངའ་ཡང་ལོན་ཆོག   […]

བུད་མེད་དགེ་རྒན་གྱིས་སློབ་མར་བརྩེ་དུང་གླེང་འདུག

བུད་མེད་དགེ་རྒན་གྱིས་སློབ་མར་བརྩེ་དུང་གླེང་འདུག སྒྲོལ་མ། ཚེ་སྔོན་སྨོན་ལམ་བཟང་པོའི་མཐུས་དགེ་སློབ་ཀྱི་ལས་འབྲེལ་བྱུང་བའི་ང་ཚོ་ཕན་ཚུན་ཞལ་གྱེས་ཞུ་བའི་དུས་ལ་སླེབས་རན་སོང་།  འཛོམས་པའི་མཐའ་མ་བྲལ་བ་ནི་འཇིག་རྟེན་གྱི་ཆོས་ཉིད་ཅིག་ཏུ་གྲུབ་པས་ང་ཚོས་སྐྱོ་སྣང་དང་སེམས་སྡུག་གི་མཆི་མ་ངེས་པར་ཁོག་ཏུ་མིད་དགོས། མི་ལོ་དྲུག་གི་ཡར་སྔོན་དུ་ཁྱེད་ཚོས་ལྷད་མེད་དྭངས་གཙང་གི་བྱིས་སེམས་ཤིག་བསྣམས་ཤིང་ཡབ་ཡུམ་གྱི་རེ་བ་ཁོག་ཏུ་བཅུག  གསར་སྐྱེས་ཀྱི་མེ་ཏོག་འདྲ་བའི་འཛུམ་ཞལ་དང་འགྲོགས་ཏེ།  དཔེ་ཁུག་ཆུང་ཆུང་རྒྱབ་ཏུ་འཁུར།  ཤ་རྩི་དཀར་ལ་འཇམ་ཞིང་མཉེན་པའི་ལག་ཆུང་གིས་ཡབ་ཡུམ་གཉིས་པོའི་ཕྱག་ནས་དམ་པོར་འཇུས་ཏེ་གྲུང་ཤ་དོད་པའི་མིག་ཟུང་ཕྱོགས་བཞིར་ལྟ་གིན་སློབ་ཆུང་གསུམ་པའི་སྒོ་འགྲམ་དུ་འབྱོར་ཐོ་བཀོད་པའི་རྣམ་པ་དེ་དག་དྲན་པའི་ངོས་སུ་གསལ་ལྷང་ངེར་འཆར་དུས།  དུས་ཚོད་ནི་རྟ་ཕོ་ལྕག་གིས་སྐུལ་བ་ལྟར་ཅི་འདྲའི་འགྲོ་མགྱོགས་པ་ཞིག་རེད་ཨང། སློབ་ཕྲུག་ཚོ།  སྐྱེ་སྟོབས་ཀྱི་དཔལ་འབར་བའི་དབྱར་གཞུང་འདིར་ཁྱེད་ཚོའི་ཚོན་མདངས་རྣམ་པར་བཀྲ་བའི་བྱིས་དུས་ཀྱི་ཉི་མ་ནུབ་ཕྱོགས་ཆུ་ལྷའི་ཕང་བར་ཡིབ་པར་བྲེལ་ལ།   དགའ་སྐྱོ་འདྲེས་མའི་སློབ་ཆུང་གི་འཚོ་བ་ལོ་རྒྱུས་སུ་གྱུར་ལ་ཉེ།  སློབ་ཕྲུག་ཚོ།   […]

སློབ་ཆུང་སློབ་ཐོན་སློབ་མའི་ཁྱིམ་བདག་ལ་ཕུལ་བའི་འཕྲིན།

སློབ་ཆུང་སློབ་ཐོན་སློབ་མའི་ཁྱིམ་བདག་ལ་ཕུལ་བའི་འཕྲིན། སྒྲོལ་མ། སློབ་ཆུང་སློབ་ཐོན་སློབ་མའི་ཁྱིམ་བདག་མཆོག་ལ། ད་ལྟའི་དུས་སུ་ཁྱེད་རྣམས་ཀྱི་བུ་ཕྲུག་ཚོར་བྲིས་མི་ཚར་བའི་ཡིག་རྒྱུགས་དྲི་གཞི་མེད་ལ། སྐྱོར་མི་ཚར་བའི་བསྐྱར་སྦྱོང་སྦྱོང་གཞི་དེ་བས་མེད།  ཁོ་ཚོར་རང་དབང་ལྡན་པའི་གར་སྟེགས་ཆེན་པོ་འདི་འདྲ་ཞིག་དབང་དུས།  ཁོམ་པ་ཡོད་ཚད་གློག་རྡུལ་རྩེད་ཆས་ཀྱི་བྲན་དུ་བཀོལ་ན་ཅི་འདྲའི་ཕངས་པོ་ཞིག་རེད་ཨང་།       འདས་ཟིན་པའི་སློབ་ཆུང་ལོ་རིམ་དྲུག་པའི་དུས་ཚོད་ལ་ཕྱིར་དྲན་ཞིག་བྱ་དུས།  ཡིག་རྒྱུགས་སྦྱངས་འབྲས་ཀྱིས་གྲོང་ཁྱེར་དང་སློབ་གསོ་ཅུས།  དགེ་རྒན་དང་སློབ་གྲྭ།    སློབ་མ་དང་ཁྱིམ་བདག […]

ཇ་ཕོར་གང་ལས་རྙེད་པའི་འཆར་ཡན།

ཇ་ཕོར་གང་ལས་རྙེད་པའི་འཆར་ཡན། གཙང་པ་དྲུག་སྡེ་ཚང་གི་གཙང་འབྲོང་སྙུག མི་ཚེའི་ལམ་ཕྲེང་གི་ཟིལ་ཁའི་ཕག་ནས། ། རིག་པའི་སྙིང་བཅུད་ཀྱི་འཇིངས་མཐའ་མ་རྟོགས། ། སྒྱུ་ལུས་བེམ་པོ་འདི་མ་འཐོར་བར་དུ། ། བརྩོན་པའི་ཅང་ཤེས་ལ་ཅི་ལ་མི་བཞོན། ། ཤེས་རིག་འཐབ་རྩོད་ཀྱི་གཡུལ་སའི་ཐང་ན། ། ངོམས་མེད་མཁྱེན་ལྡན་གྱི་དགེ་བཤེས་རྣམས་པས། ། སྒྲོ་འདོགས་གཅོད་ནུས་ཀྱི་རིག་ལམ་འཕེན་ན། […]

ཕ་ཡོད་བུ་ཚོར་ཕུལ་བའི་སྙིང་གཏམ་རྗེན་པ།

ཕ་ཡོད་བུ་ཚོར་ཕུལ་བའི་སྙིང་གཏམ་རྗེན་པ། སྒྲོལ་མ། ཕ་མ་མེད་དུས་མཆི་མའི་སྐྱེལ་མ་ལས།། ཕ་མ་བཞུགས་དུས་འཛུམ་གྱིས་སྐྱོང་ན་དགའ།། ཕ་མ་མེད་དུས་དྲན་པའི་འོ་དོད་ལས།། ཕ་མ་བཞུགས་དུས་བཀའ་དྲིན་བསམ་ན་དགའ།། ****************************** ཕ་མ་མེད་དུས་རྒྱ་ཆེའི་འབུལ་བ་ལས།། ཕ་མ་བཞུགས་དུས་ཐུགས་འདོད་སྐོང་ན་དགའ།། ཕ་མ་མེད་དུས་དར་གྱིས་བཏུམས་པ་ལས།། ཕ་མ་བཞུགས་དུས་གོས་འཇམ་བསྒྲོན་ན་དགའ།། ****************************** ཕ་མ་མེད་དུས་མར་མེ་ཕུལ་བ་ལས།། ཕ་མ་བཞུགས་དུས་གསོལ་ཇ་ཕུལ་ན་དགའ།། ཕ་མ་མེད་དུས་མ་ཎི་འདོན་པ་ལས།། […]

ཆོས་དང་རིག་གཞུང་སྐོར་གྱི་དྲིས་ལན། སེར་བྱེས་དགེ་བཤེས་འཇམ་དཔལ་བློ་ཤེས།

ཆོས་དང་རིག་གཞུང་སྐོར་གྱི་དྲིས་ལན། འུ་ཚང་གི་དོགས་གཞི་ཞེས་པའི་དུས་དེབ་ཀྱི་རྩོམ་སྒྲིག་པའི་དྲི་བ་འགའ་ཞིག་གི་ལན། སེར་བྱེས་དགེ་བཤེས་འཇམ་དཔལ་བློ་ཤེས།   དྲི་བ་དང་པོ། སྔོན་ཆད་འུ་ཚོའི་ཆོས་བརྒྱུད་ཁག་ནང་ཕན་ཚུན་དགག་པ་གཏོང་རེས་བྱས་པ་དེས་བོད་ཀྱི་བསྟན་སྲིད་ལ་ཕན་ཐོགས་ཅི་ཞིག་བྱུང་ཡོད་པ་དང་།ཕྱི་རབས་པ་ཚོས་ད་དུང་དགག་པ་རྒྱག་རེས་བྱས་ན་འུ་ཚོའི་མཐུན་སྒྲིལ་དང་ཆོས་བརྒྱུད་གོང་འཕེལ་དུ་འགྲོ་བར་ཕན་གནོད་ཅི་ཞིག་ཡོད། ལན། སྔོན་ཆད་ཆོས་ལུགས་ཕན་ཚུན་དགག་པ་གཏོང་རེས་བྱས་པ་དང་མཐུན་ལམ་བྱས་པ་སོགས་འདྲ་མིན་ཡོད།འདི་ལ་དགག་པ་གཏོང་ལུགས་ལ་ནང་གསེས་ཀྱི་ཁྱད་པར་ཕྱེ་དགོས།དཔེར་ན།ཀུན་མཁྱེན་གོ་བོ་རབ་འབྱམས་པ་དང་།སྟག་ཚང་ལོ་ཙ་བ་ཤེས་རབ་རིན་ཆེན་སོགས་ཀྱིས་རྗེ་བླ་མ་ལ་དགག་པ་གཏོང་བ་ལྟ་བུ་དང་།དེ་ལ་སེ་ར་རྗེ་བཙུན་པ་དང་འཇམ་དབྱངས་དགའ་བློས་དགག་ལན་སྤྲད་པ་ལྟ་བུ་ནི།སྤྱིར་སངས་རྒྱས་ཀྱི་བསྟན་པ་དང་།བསྟན་པའི་སྙིང་པོ་ལྟ་གྲུབ་ལ་དག་ཐེེར་བྱས་པ་ཞིག་དང་།ཕན་ཚུན་གཉིས་ཀའི་ཕྱོགས་ནས་ལྟ་བ་ལ་དག་ཐེར་དང་།བློ་སྐྱེད་ལེན་རྒྱུ་ཡོད་པ་ཞིག་ལས་ཕྱོགས་ཞེན་གྱིས་དབང་གིས་དགག་ལན་གཏོང་རེས་བྱས་པའི་གནོད་སྐྱོན་ཅན་ཞིག་ཏུ་ངོས་འཛིན་གྱི་མེད།ད་དུང་སེ་ར་རྗེ་བཙུན་པས་ཀརྨ་མི་བསྐྱོད་རྡོ་རྗེ་ལ་ཕུལ་བའི་དགག་ཡིག་ལྟ་བུ་ཚིག་གི་བེད་སྤྱོད་བྱེད་སྟངས་ཧ་ཅང་ཡག་པོ་ཞིག་བརྩི་ཡི་ཡོད།ཡིན་ནའང་དེ་དག་གི་རྗེས་འབྲང་ཅི་ཡང་མི་ཤེས་ཤིང་།གང་ཡང་མ་བསླབ་པ། ཉོན་མོངས་དུག་གསུམ་གྱིས་རྒྱུད་འཁྲུགས་ནས་ཕྱོགས་རིས་དང་འབྲེལ་ཕན་ཚུན་གཉིས་ཐད་ནས་སྐྱེས་བུ་དམ་པ་དེ་ཚོ་ལ་ངན་སྨྲས་དང་སྐྱོན་བརྗོད་བྱེད་པ་དག་ནི།ཆོས་ལུགས་ཕན་ཚུན་མཐུན་ལམ་གཏོར་བྱེད་ཀྱི་མཚོན་ཆ་ཡ་ང་བ་ཞིག་དང་། རང་རང་གི་རྣམ་ཤེས་ཀྱི་སྟེང་དུ་ངན་སོང་སྐྱེ་བའི་རྒྱུ་ཚོགས་བསམ་བཞིན་དུ་སྒྲུབ་པ་ཞིག་ཏུ་ངོས་འཛིན་གྱི་ཡོད།དེས་ན། ཕྱི་རབས་པ་དག་གིས་དགག་པ་གཏོང་རེས་བྱེད་པ་ནི་དགོས་མཁོ་ཅན་ཞིག་དང་ལེགས་པ་ཞིག་ཏུ་ངོས་འཛིན་རྩ་བ་ནས་བྱེད་ཀྱི་མེད།མདོར་ན།ཆོས་ལུགས་ཕན་ཚུན་མཐུན་འབྲེལ་བྱེད་ན།ལྟ་གྲུབ་དང་གཞུང་ལུགས་གཅིག་གྱུར་དགོས་པ་མ་ཡིན་ལ།བྱེད་ཐུབ་ཐབས་ཡང་རྩ་བ་ནས་མེད།འོན་ཀྱང་ཆོས་པ་ནང་ཕན་ཚུན་ཁ་ཙམ་ཚིག་ཙམ་མ་ཡིན་པར་སེམས་གཏིང་ནས་དགའ་ཞེན་དང་སེམས་གཏིང་ནས་གྲོགས་པོ་ཞིག་ཆགས་དགོས་པ་ཡིན་ལ།གཅིག་ཕན་གཅིག་གྲོགས་ཀྱི་ཐོག་ནས་མི་རིགས་ཀྱི་བདེ་དོན་དང་།ཆེ་ས་ནས་འཛམ་གླིང་འདིར་འཚེ་མེད་ཞི་བདེ་ཡོང་བའི་ཐབས་ལམ་ལ་ཞུགས་ན་ནང་ཆོས་ཀྱི་དགོས་དོན་ཚང་ཞིང་།ནང་ཆོས་བྱེད་མཁན་གྱི་དོན་གོ་ཆོད་པ་ཡང་ཡིན།   དྲི་བ་གཉིས་པ། གྲྭ་པ་ནི་སློབ་མ་དང་དགོན་སྡེ་ནི་སློབ་གྲྭ་ཡིན་པས་སློབ་གཉེར་མེད་པའི་དགོན་པ་དག་གི་བོད་ཀྱི་ཆོས་དང་སྤྱི་ཚོགས་ལ་ཕན་ཐོགས་ཅི་ཞིག་ཡོད། ལན།  […]